 放大圖片
【本報訊】（記者 梁靜儀）近日本港股市波動，而重磅股匯豐控股（0005）收市競價時段跌至33元，股價由07年153.5元高峰重返14年前水平。傳聞大手持有匯控的鄭裕玲(Do姐)，昨日得悉股價急瀉後，揚言無眼睇，不想被負面報道影響心情。除了Do姐外，曾華倩亦持有匯控，但她比Do姐明顯從容很多，並識得自我安慰，寄望日後再升回。
鄭裕玲昨日為《財智達人》一口氣錄影兩集，並請來曾華倩、張繼聰、元華、石修等任嘉賓，對於匯控收市競價時段跌至33元，重返14年前水平，Do姐不諱言無想過：「無諗過，現在不想去想太多。(蝕了幾多？)好少，唔睇，成日諗這些會令心情唔好，唔好成日諗負面事。」
Do姐不會盲目追貨
傳聞Do姐因匯控蝕了七位數，這次股價急瀉，Do姐可謂損失慘重？Do姐即緊張地耍手擰頭否認：「無咁多。(持有幾多股？)幾手𣜭。」之後又反問七位數即是有幾多股，並鼓勵大家發生金融海嘯後要用另一個角度去想，可以多些同家人相處，或同真正的朋友一齊，而且OL為省錢帶飯盒更對環保有幫助，現在是應該回到基本生活。再問Do姐會否趁低吸納？她卻興趣不大：「不想了。(你是否一百元以上入貨？)唔係，什麼價位都有入，但唔多，我問過專家意見，都會供股，不過這些都是自己決定啦，都收了咁多年息，嘔返些出來。(支持香港？)一來啦，而且可以平點溝淡點。」有指很多藝人都手持匯控？Do姐承認有這回事，大家都是情意結，因為是大笨象，很多香港人都會有少少。
華倩有信心會回升
曾華倩雖然都持有匯控，但她比Do姐明顯從容很多，並識得自我安慰，相信有升返的一日。問到她的心情，她苦笑說：「你話呢？(收市競價時段跌至33元！)係囉，真係開心。(你持有多少股？)哎，唔好講，唔緊要，終有日升返，我有信心，只要唔等錢駛，以前收落息，嘔凸畀佢，無正式統計損失，當以前收息係先甜後苦。」
華倩自言外表精明，實則對數字毫不敏感，好蠢，所以也無統計身家有幾多，賺蝕又有幾多，反正又不是等錢使，這是全球經濟問題，相比較下，只是芝麻綠豆事。問到可會趁低吸納？華倩說：「再睇定點，會供股，總之量力而為，睇自己，唔會借錢供股，身為香港人點都要支持，唔好咁灰，而家唔供將來市好又會埋怨。」她又稱手上持有的是100元以上買的，已持有一段時間，主要是想用來養老，所以會睇長線，並睇好經濟很快復甦，對匯控及香港有信心，她笑道：「我仲迷戀隻獅子，一生人淨係買呢隻股。」她又鼓勵各行各業幫手刺激經濟，有能力的多出街食飯，唔好裁員。
|
放大圖片
